Mshambuliaji wa Simba Chris Mugalu aliyesajiliwa na mabingwa hao wa nchi akitokea Lusaka Dynamos ya Zambia, amesema kuwa amefarijika baada ya kufunga katika mchezo wake wa ligi kuu
Mugalu aliifungia Simba bao la nne katika ushindi wa mabao 4-0 dhidi ya Biashara, mchezo uliochezwa katika Uwanja wa Mkapa jijini Dar.
Mcongomani huyo amesema kuwa anafurahi kuona amefunga bao katika mchezo wake wa kwanza wa ligi kuu ambapo anaamini kufanya hivyo kutampa hali ya kujiamini kwa kufanya vizuri katika michezo inayofuata
Aidha amempongeza kiungo fundi Clatous Chama kwa kumtengenezea nafasi maridhawa kwa pasi ya kisigino
"Nimefurahi kufunga katika mchezo wangu wa kwanza wa ligi hii itaniongezea kujiamini katika michezo yangu inayofuata kucheza kwa kujiamini, ukiwa kama mshambuliaji lazima udaiwe mabao hivyo kama hautafunga basi utacheza kwa wasiwasi lakini kwangu nashukuru nimefunga,"alisema
"Kuhusu pasi ya Chama nimefurahi kuona kanipa pasi nzuri, nilikuwa nimekaa sehemu nzuri ya kufunga lakini sikutarajia kama Chama angenipigia pasi kama ile,ila nashukuru kwa kuwa alinipa na nikafunga"
Mugalu amefunga mabao matatu tangu alipojiunga na Simba, moja kwenye ligi na mawili kwenye mechi za kirafiki dhidi ya Vila'o na African Lyon
