Simba kuingia kambini kuiwinda Gwambina Fc

Mabingwa wa soka nchini klabu ya Simba leo inaingia kambini kujiandaa na mchezo wa ligi kuu dhidi ya Gwambina Fc ambao utapigwa Jumamosi, Septemba 26, uwanja wa Benjamin Mkapa

Baada ya ushindi wa mabao 4-0 dhidi ya Biashara United, wababe hao wa soka nchini wamepania kuendeleza wimbi la ushindi dhidi ya kikosi cha Gwambina waliopanda daraja msimu uliopita

Jana Simba ilicheza mchezo wa kujipima nguvu dhidi ya African Lyon na kufanikiwa kuibuka na ushindi wa mabao 2-0

Meneja wa Simba Patrick Rweyemamu amesema wanaingia kambini leo kukamilisha maandalizi yao ya mchezo wa Jumamosi