Mkuu wa Kitengo cha Habari na Mawasiliano klabu ya Simba Haji Manara amewataka mashabiki wa mabingwa hao wa nchi kujitokeza kwa wingi uwanja wa Benjamin Mkapa kushuhudia kandanda safi kutoka kwa timu yao itakapokuwa ikiumana na Biashara United katika mchezo wa ligi kuu ambao utapigwa saa moja usiku
Manara amesema atakuwa sambamba na mashabiki Jukwaa la Mzunguuko kushuhudia burudani na kushangilia pamoja ushindi
"Wanasimba njooni muone tofauti ya butua butua na kupiga mbele na mpira, Njooni mjidai na soka lenu maridhawa lenye radha ya Amerika Kusini. Hakuna kubutua hovyo wala hakuna mbeleko za kichale"
"Nitakaa na nyinyi mzunguko kuhamasisha wachezaji wetu, Pira biriani, Pira Sambusa, Pira kababu sio Pira lao Gimbi la chukuchuku," alitamba Manara
