Wekundu wa Msimbazi, Simba leo wako uwanja wa nyumbani Benjamin Mkapa wakiwakaribisha Biashara United katika mchezo wa ligi kuu ya Vodacom ambao utapigwa kuanzia saa moja usiku
Huu ni mchezo wa kwanza kwa mabingwa hao watetezi kucheza katika uwanja wao wa nyumbani wakianzia mkoani Mbeya na baadae kuelekea Morogoro
Shoo ya kibabe imeandaliwa kwa ajili ya mashabiki hivyo wameaswa kujitokeza kwa wingi pale kwa Mkapa
Viingilio vya mchezo huo ni rafiki kabisa ambapo VIP ni Tsh 15,000/-, VIP B ni Tsh 10,000/-, VIP C ni Tsh 5,000/- na Mzunguuko ni Tsh 3,000/-
Kocha Mkuu wa Simba Sven Vandenbroeck amesema leo wana kila sababu ya kupata ushindi katika mchezo huo unaopigwa kwenye uwanja waliouzoea
"Mashabiki watarajie burudani nzuri kwani tutakuwa nyumbani tena katika uwanja wetu utakaotupa Uhuru wa kucheza vile tulivyozoea," alisema
Sven amejiwekea malengo ya kuhakikisha timu yake inashinda mechi tano na kuwa kileleni kabla ya mchezo dhidi ya Yanga Oktoba 18
