Patrick Gakumba ambaye ni Meneja wa mshambuliaji wa Simba Meddie Kagere, ameeleza kutofurahishwa na mteja wake kutopata nafasi ya kucheza kwenye kikosi cha Simba
Tangu mwishoni mwa msimu uliopita, Kagere amekuwa na wakati mgumu kupata nafasi kwenye kikosi cha kocha Sven Vandenbroeck licha ya kuwa Mnyarwanda huyo ndiye mfungaji bora ligi kuu kwa misimu miwili mfululizo
Gakumba amesema Kagere amewapa furaha mashabiki wa Simba kwa misimu miwili aliyowatumikia lakini sasa hajisikii furaha kuona haaminiwi na kocha
Amesema bado Kagere vizuri na anaweza kuwa msaada mkubwa kwa Simba lakini anaheshimu maamuzi ya kocha katika kuamua nani ampange kwenye mechi ipi
"Naheshimu uamuzi wa kocha lakini naamini mteja wangu bado ana nafasi ya kucheza kwenye klabu ya Simba. Kagere amewapa furaha mashabiki wa Simba kwa miaka miwili, sasa wanapokosa furaha wanayohaki ya kuhoji kwa nini mambo yako hivyo," alisema Gakumba
Mara kadhaa Kocha Mkuu wa Simba Sven Vandenbroeck amesisitiza kuwa washambuliaji wake wote ni wazuri lakini kwa sasa atamtumia nahodha John Bocco kama mshambuliaji chaguo la kwanza
Kumekuwa na shinikizo kutoka kwa mashabiki wakimtaka Sven arejeshe mfumo wa zamani wa kutumia washambuliaji wawili kwani mfumo wa mshambuliaji mmoja hauonekani kuwa na faida kubwa kwa Simba hasa kutokana na idadi ndogo ya mabao yanayofungwa sasa
