Kocha Mkuu wa Simba Sven Vandenbroeck amesema anahitaji kufanyia kazi muunganiko wa wachezaji wake wapya na wale waliokuwepo tangu msimu uliopita
Pamoja na usajili wa nyota wapya saba, ni Bernard Morrison na Joash Onyango pekee ambao wamejihakikishia nafasi kwenye kikosi cha Sven mpaka sasa
Sven amesema sio rahisi kwa wachezaji hao wapya kuingia moja kwa moja kwenye timu, wanapaswa kwendana na mfumo wa uchezaji wa Simba
"Licha ya usajili bora ambao kikosi chetu kimeufanya, lakini ipo changamoto ya kuwaunganisha wachezaji wapya na hawa tuliokuwa nao tangu msimu uliopita"
"Zaidi ni katika kutafuta uwiano kwenye maeneo mawili ambayo ni eneo la ushambuliaji na ulinzi, naamini kama tutaweza kutengeneza muunganiko mzuri katika maeneo hayo basi hakuna wa kutuzuia kutwaa ubingwa", alisema Sven
