Mabingwa wa soka Tanzania Bara Simba wamekamilisha maandalizi yao ya mwisho jioni ya leo kwenye uwanja wa Jamhuri tayari kwa mchezo wa ligi kuu dhidi ya Mtibwa Sugar ambao utapigwa kesho Jumamosi
Akizungumza baada ya mazoezi hayo, Mkufunzi wa Simba Sven Vandenbroeck amesema vijana wake wako tayari kwa mchezo
Aidha Sven amedokeza kuwa kesho anaweza kufanya mabadiliko kadhaa kwenye kikosi chake kutegemeana na mfumo ambao ataamua kuutumia
"Kila mmoja yupo tayari kwa mchezo. Kwangu ni muhimu kuanza vizuri katika michezo ya mwanzoni ili kuwa juu kwenye msimamo kabla ya kwenda kucheza ligi ya mabingwa,
"Mabadiliko yatakuwepo kama sio ya nafasi labda kwenye namna ya uchezaji lakini bado sijaamua," alisema Sven
Naye hahodha wa Simba John Bocco, amesema hawatawadharau Mtibwa Sugar, watacheza mchezo huo kwa nguvu kuhakikisha wanaondoka na alama zote tatu
"Tunawasheshimu wapinzani wetu lakini tutapambana kwa ajili ya timu ili tupate alama tatu"
