Mkuu wa Kitengo cha Habari na Mawasiliano klabu ya Simba Haji Manara amesema mabingwa wa nchi wako mkoani Morogoro kuchukua alama tatu dhidi ya Mtibwa Sugar
Simba ilitua Morogoro mapema jana tayari kwa mchezo dhidi ya Mtibwa Sugar ambao utapigwa kesho Jumamosi kwenye uwanja wa Jamhuri
Tambo zimekuwa nyingi kutoka kwa Afisa Habari wa Mtibwa Sugar Thobias Kifaru kuwa Simba wasitarajie kupata matokeo kwenye mchezo huo
Manara amesema Simba ya sasa sio ya kubishana na Mtibwa Sugar, akiwahakikishia mashabiki wajitokeze kwa wingi uwanja wa Jamhuri siku ya kesho kupata burudani kutoka kwa Machampioni wa Taifa hili
"Sisi hatuna maneno mengi kazi yetu itaonekana uwanjani. Nadhani hakuna mwenye shaka juu ya uimara wa kikosi chetu, hivyo nyie njooni kwa wingi uwanja wa Jamhuri mje mshuhudie burudani kutoka kwa mabingwa," alisema
Baada ya kutua jana mchana, Simba ilianza maandalizi katika uwanja wa Jamhuri
