Ubalozi wa Marekani wapongeza uteuzi wa Bosi mpya Simba

Ubalozi wa Marekani nchini Tanzania umempongeza Mtendaji mkuu mpya wa klabu ya Simba Sc Barbara Gonzalez kwa kuteuliwa kuchukua cheo hicho.

Pia ubalozi huo umeipongeza Klabu ya Simba Sc kwa kutoa nafasi kwa Wanawake kwenye nafasi ya uongozi wa juu katika klabu

"Hongera kwa Mtendaji Mkuu wa klabu ya Simba, Barbara Gonzalez. Kwa muda mrefu, Ubalozi wa Marekani umeunga mkono wanawake katika michezo ikiwa ndani ya uwanja na katika uongozi.

"Tunajivunia pia kazi ambazo Barbara amewahi kufanya na Shirika la Msaada la Kimarekani (USAID) huko nyuma na kama mjumbe wa bodi ya ushauri ya YALI RLC! Kila la kheri katika kazi yako mpya," ilisema taarifa ya Ubalozi wa Marekani