Kocha Mkuu wa Simba Sven vandenbroeck amewapongeza vijana wake ka kufanikiwa kuibuka na ushindi wa mabao 2-1 dhidi ya Ihefu Fc katika mchezo wa kwanza ligi kuu ya Vodacom msimu wa 2020/21
Mbelgiji huyo amesema kuwa alifahamu mapema kuwa watakabiliwa na mchezo mgumu dhidi ya Ihefu Fc ambao walikamia kupata matokeo mazuri dhidi ya Simba ambao ni mabingwa watetezi wa ligi hiyo
Amesema waliingia uwanjani kwenda kutafuta pointi tatu bila kuangalia watacheza soka la aina gani ili kuongeza imani kwa mashabiki kuelekea msimu mpya.
"Tulijua mechi itakuwa ngumu kwakua Ihefu ndio wamepanda daraja tulijua watatumia nguvu nyingi kwakua wanacheza na mabingwa watetezi.
"Kikubwa nilichopenda ni ushindi na kupata pointi tatu, tunajiandaa na mchezo wa pili siku ya Jumamosi," amesema Sven
Mchezo unaofuata ni dhidi ya Mtibwa Sugar na utapigwa Jumamosi Septemba 12 kwenye uwanja wa Jamhuri mkoani Morogoro
