Kocha Mkuu wa Mabingwa wa soka Tanzania bara, Simba Sven vandenbroeck amesema vijana wake wako tayari kwa mchezo wa ufunguzi ligi kuu ya Vodacom msimu wa 2020/21 dhidi ya Ihefu Fc ambao utapigwa keshokutwa Jumapili kwenye uwanja wa Sokoine mkoani Mbeya
Kikosi cha Simba kiko mkoani Mbeya tangu juzi kikijiandaa na mchezo huo dhidi ya wageni hao waliopanda daraja msimu uliopita
Akizungumza baada ya mazoezi yaliyofanyikwa uwanja wa Sokoine jana jioni, Sven alisema ana matumaini makubwa kuwa wataanza ligi hiyo vizuri kutokana na ubora wa kikosi chake ingawa alikiri ushindani utakuwa mkubwa
"Natambua mchezo utakuwa mgumu, lakini ninajivunia vipaji na morali kwa wachezaji wangu, ninaimani tutapigana kuweza kupata pointi tatu," alisema Mbelgiji huyo.
"Jambo zuri ni kwamba hatuna majeruhi, kila mmoja yupo sawa, kila mmoja yupo tayari kucheza, hivyo nina nafasi ya kuchagua kati ya wachezaji wote niliona"
Simba imewasili jijini Mbeya ikiwa na kikosi cha nyota 25 tayari kwa mchezo huo ambao unatarajiwa kuwa mkali na wakuvutia kutokana na maandalizi yaliyofanywa na timu zote.
