Klabu ya Simba ina uhakika wa kumtumia winga wake Mghana Bernard Morrison licha ya Yanga kudai kupeleka malalamiko huko CAS
Inaelezwa tayari Morrison ameidhinishwa kuwatumikia mabingwa hao wa Taifa hili na usajili wake umeingizwa kwenye mfumo wa FIFA (TMS)
Pia Morrison pamoja na nyota wengine wapya wa kigeni tayari wameshapata vibali vya kufanya kazi nchini
Morrison ameanza vyema maisha yake ndani ya klabu ya Simba akihusika katika magoli manne kwenye mechi mbili alizocheza
Winga huyo mwenye udambwi dambwi mwingi, alifunga bao na kutengeneza jingine kwenye mchezo wa Simba Day dhidi ya Vital'o
Pia akafunga na kutengeneza jingine kwenye mchezo wa Ngao ya Jamii dhidi ya Namungo Fc
Ni wazi timu pinzani zijiandae kwelikweli kwani ukiachana na Morrison, winga Luis Miquissone nae amesharejea akiwa tayari kukiwasha
