Dirisha la usajili kufungwa leo

Shirikisho la Mpira wa Miguu Tanzania (TFF) limevitaka vilabu vya soka nchini vinavyoshiriki ligi kuu, ligi daraja la kwanza na la pili kuhakikisha wanakamilisha usajili wao leo kabla ya saa 5:59 usiku

Baada ya muda huo dirisha la usajili litafungwa na TFF imesisitiza kuwa hakutakuwa na muda wa nyongeza

Mabingwa wa nchi Simba wao walishafunga hesabu zao mapema tu, hofu pekee ilikuwa kwa winga Bernard Morrison ambaye klabu ya Yanga nayo inadaiwa imepeleka jina lake

Hata hivyo inaelezwa Simba tayari imeshamwandikisha Morrison kwenye mfumo wa usajili wa FIFA, nyota huyo akiwa tayari amepatiwa kibali cha kufanya kazi nchini sambamba na wachezaji wengine wa kigeni waliosajiliwa katika dirisha hili la usajili