Kikosi cha mabingwa wa soka Tanzania Bara, Simba jioni ya leo kitashuka pale uwanja wa Sheikh Amri Abeid mkoani Arusha kuumana na Namungo Fc ukiwa ni mchezo wa Ngao ya Jamii
Mchezo huo ni ishara ya kuzinduliwa kwa msimu mpya wa ligi kuu ya Vodacom, 2020-21
Ni mchezo ambao Simba imelenga kuweka kibindoni taji lake la kwanza msimu huu
Kocha Mkuu wa mabingwa hao wa nchi Sven Vandenbroeck katika mazungumzo yake na Wanahabari jana, alisema ana kikosi cha wachezaji 20 ambao wako tayari kwa mchezo huo
Beki Paschal Wawa na Luis Miquissone ndio wachezaji ambao watakosekana leo kwa kuwa walichelewa kujiunga na timu
Kikosi cha Sven kimewajumuisha nyota wote wapya wakiongozwa na Bernard Morrison, Larry Bwalya, Chris Mugalu, Charles Ilanfya, Ibrahim Ame, Joash Onyango na Kameta
Mchezo utapigwa kuanzia saa tisa na nusu Alasiri
