Kocha Mkuu wa Simba Sven Vandenbroeck amesema kikosi chake kiko tayari kuikabili Namungo Fc kwenye mchezo wa Ngao ya Jamii ambao utapigwa kesho Jumapili kwenye uwanja wa Sheikh Amri Abeid
Akizungumza na Wanahabari mapema leo mkoani Arusha, Sven alisema wachezaji 20 kwa ajili ya mchezo huo wako tayari
Wanahitaji kushinda ili kuwa na mwanzo mzuri na kampeni nzuri ya msimu
"Wachezaji 20 wapo tayari kwa mchezo wa kesho. Maandalizi ya msimu hayajawa marefu lakini tulikuwa na mechi nzuri za kirafiki ambazo zimekuwa na faida kwetu" alisema
"Ni muhimu kuanza na ushindi sababu itatupa nguvu ya kuanza vizuri kwenye ligi kuu wiki ijayo. Tutafanya kila jitihada kuhakikisha tunashinda."
Nae nahodha wa mabingwa hao wa nchi John Bocco, amesema wanafahamu wanakwenda kucheza na timu nzuri, lakini lengo lao ni kuhakikisha wanashinda mchezo huo
"Tunaamini Namungo ni timu nzuri na itatupa changamoto lakini tunaamini benchi letu, wachezaji tulionao na kwa mapenzi ya Mungu tunaamini kesho tutafanya vizuri."
