Kikosi cha mabingwa wa soka wa Taifa hili Simba, jioni ya leo kinaondoka kuelekea mkoani Arusha tayari kwa mchezo wa Ngao ya Jamii dhidi ya Namungo Fc
Mchezo huo utapigwa keshokutwa Jumapili kwenye uwanja wa Sheikh Amri Abeid
Kinachowafurahisha mashabiki wa Simba ni kukamilika kwa kikosi chao ambacho kimesheheni mafundi kwelikweli
Usajili wa wachezaji kama Bernard Morrison, Larry Bwalya, Joash Onyango na wengine wapya kumeifanya Simba izidi kuwa bora zaidi
Kocha Mkuu wa Mabingwa hao wa nchi Sven Vandebroeck amekiri kuwa atakuwa na wakati mgumu kuamua wachezaji 11 wa kuanza kwani kikosi chake kimesheheni kila idara
Simba imecheza mechi tatu za kujipima mpaka sasa na imefunga mabao 14!
Walianza kwa kuichapa Vital'o mabao 6-0 mchezo wa Simba Day, wakawalaza KMC 3-1 na Transit Camp 5-2 katika mechi zilizopigwa siku moja
Wanakwenda Arusha wakiwa na kikosi kamili ambacho jana Luis Miquissone na Paschal Wawa waliongezeka
Hakuna ubishi, huu unaweza kuwa msimu mwingine wa mataji kwa wekundu hao wa Msimbazi
