Kiungo wa Simba Clatous Chama amesema msimu huu wachezaji wanapaswa kupambana ili kuhakikisha wanafikia mafanikio waliyopata msimu uliopita au zaidi
Msimu uliopita ulikuwa wa mafanikio zaidi kwa mabingwa hao wa nchi wakitwaa mataji yote kuanzia Ngao ya Jamii, Ligi kuu na kombe la FA
Chama aliibuka kuwa mchezaji na kiungo bora wa msimu
Wakati huu ambao Simba inajiandaa kuanza kampeni ya msimu mpya kwa mchezo wa Ngao ya Jamii dhidi ya Namungo Fc siku ya Jumapili, Chama amesema hawapaswi kubweteka
"Hatupaswi kulewa kwa mafanikio ya msimu uliopita, tunapaswa kujituma ili kuweza kufanikiwa tena," alisema Chama
"Tuna timu nzuri hivyo natarajia tutakuwa na msimu mwingine wa furaha kwa mashabiki wetu"
Simba imecheza mechi tatu za kujipima na kufanikiwa kushinda zote
Waliwafumua Vital'o 6-0, KMC 3-1 na Transit Camp 5-2
Baada ya mchezo dhidi ya Namungo Fc, wataenda kuanzia ligi mkoani Mbeya kwa wakiifuata Ihefu Fc Septemba 06
