Beki kisiki Mkenya Joash Onyango ameeleza kufurahia maisha yake ndani ya mabingwa wa soka Tanzania Bara, Simba akiamini yuko sehemu sahihi
Mapema tu, baada ya kuitumikia timu yake kwenye mchezo wa kwanza, kiwango chake kimewakuna mashabiki ambao sasa wanaamini wamepata mtu katika safu ya ulinzi
Onyango ameeleza kufurahia ushirikiano anaopata kutoka kwa mashabiki, viongozi na wachezaji wenzake akishangazwa na mapokezi aliyopewa na Wana Msimbazi
"Watu hapa Tanzania ni wakarimu, wamenifanya nizoee mazingira kwa haraka sana. Sina maneno mengi lakini nina imani nitapata mafanikio hapa, nitahakikisha mchango wangu unaisadia Simba kupta mataji zaidi," alisema
Kwenye mchezo wa Simba Day dhidi ya Vital'o, Onyango alionyesha kiwango cha juu akishirikiana vyema na beki mwingine mpya Ibrahim Ame
Nyota hao walianzishwa pamoja katika mchezo huo uliomalizika kwa Simba kushinda mabao 6-0
