Sven awaita mashabiki uwanja wa Mkapa SImba Day

Kocha Mkuu wa Simba Sven Vandenbroeck amewaita mashabiki wajitokeze kwa wingi uwanja wa Mkapa siku ya kesho Jumamosi kwenye kilele cha wiki ya Mabingwa, Simba Day

Akizungumza na wanahabari kuelekea mchezo dhidi ya Vital'o hapo kesho, Sven amesema siku hiyo itakuwa ya furaha kwa kila Mwanasimba

"Mchezo wa kesho ni wa kufurahia kwa mashabiki, inatakiwa kuwa siku ya kufurahi. Wachezaji wetu waliokuwepo na wapya watatambulishwa wote."

"Kila mchezaji atapata nafasi ya kucheza kwenye mchezo wa kesho isipokuwa wale waliochelewa na hawakufanya mazoezi. Wachezaji wawili Pascal Wawa na Luis Miquissone watakosekana kutokana na kupewa ruhusa maalum," alisema Sven