Mo amkabidhi Diamond jezi ya Mabingwa

Mwenyekiti wa Bodi ya Wakurugenzi klabu ya Simba Bilionea Mohammed Dewji 'Mo' amemkabidhi jezi Msanii na Mkurugenzi wa Wasafi Media Nasib Abdul maarufu Diamond Platinumz

Mapema leo, Mo akiongozana na Msemaji wa Simba Haji Manara, walifanya mahojiano maalum redio Wasafi kuelekea tukio kubwa la kilele cha wiki ya Mabingwa, Simba Day litakalofanyika keshokutwa Jumamosi katika viwanja vya Mkapa na Uhuru

Akiwa mdau mkubwa wa Simba, Diamond ametunga wimbo maalum wa hamasa ambao atautumbuiza siku ya Jumamosi

Diamond atapewa takribani saa zima kuwapa burudani mashabiki wa Simba wanaotarajiwa kujitokeza kwa wingi katika tukio hilo la aina yake

Wimbo maalum ulioandaliwa na Diamond, ulitambulishwa leo Wasafi FM