Mkuu wa kitengo cha Habari na Mawasiliano klabu ya Simba Haji Manara ametoa ufafanuzi kuhusu kuchelewa kwa baadhi ya wachezaji waandamizi, Clatous Chama na Luis Miquissone
Manara amesema Chama tayari ameondoka nchini Zambia kurejea nchini lakini Miquissone aliwaomba ruhusa anakwenda kuoa
"Miquissone aliomba ruhusu anakwenda kuchumbia hivyo tunatarajia atawasili baada ya kukamilisha zoezi hilo lakini kuhusu Chama, yuko njiani tayari," alisema Manara kwenye mahojiano na Sport Arena ya Wasafi FM
"Kumekuwa na maneno mengi kuhusu wachezaji hawa, Wanasimba msiyumbishwe na maneno ya mtaani. Miquissone na Chama wana mikataba na Simba na hawauzwi kokote, Miquissone atarejea siku mbili zijazo kuendelea kuwatumikia Mabingwa wa nchi"
Mashabiki 90,000 kushuhudia Simba Day
Katika hatua nyingine, Manara amesema siku ya Jumamosi wanakwenda kuandika historia kwa kujaza viwanja viwili, uwanja wa Mkapa unaochukua mashabiki 60,000 na uwanja wa Uhuru unaochukua mashabiki 30,000
Manara amesema wamedhamiria kudhihirisha ukubwa wa klabu ya Simba kwa kujaza viwanja hivyo vyote viwili
