Kiungo mpya wa Simba Larry Bwalya amesema uamuzi wa kujiunga na Simba ulikuwa rahisi kwake baada ya kupokea ofa kutoka kwa mabingwa hao wa nchi
Awali Bwalya alikuwa akitajwa kuwa mbioni kusajiliwa na Yanga lakini siku ambayo alipaswa kutua Yanga, kupitia wakala wake, Simba waliweza kupindua meza na kumvuta Msimbazi kuungana na Mzambia mwenzake Clatous Chama
"Nilipotaarifiwa na Wakala wangu kuwa Simba wananihitaji sikufikiria mara mbili. Ni klabu yenye historia kubwa hivyo nilipenda kuwa sehemu ya historia hiyo," alisema Larry
Aidha nyota huyo ameeleza kufurahi kucheza na Chama katika klabu moja, licha ya kuwa walikuwa wakikutana katika timu ya Taifa ya Zambia
"Nafurahi kucheza na Chama katika timu moja kama tunavyofanya timu ya Taifa. Naamini kwa ushirikiano na wachezaji wenzetu pamoja na sapoti ya mashabiki tutafanya vizuri"
Simba imemsajili Bwalya kuchukua nafasi ya Sharaff Shiboub ambaye mkataba wake umemalizika
Ni kiungo fundi box-2-box ambaye anazimudu vyema nafasi zote za kiungo
