Morrison alivyopagawisha mashabiki Mo Simba Arena

Mabingwa wa nchi Simba walianza rasmi mazoezi jana kuelekea kilele cha wiki ya Mabingwa, Simba Day siku ya Jumamosi

Katika mazoezi hayo ya kwanza, nyota wote saba waliosajliwa katika dirisha hili la usajili walishiriki

Winga Bernard Morrison aliyetokea klabu ya Yanga alikuwa kivutio kwa mamia ya mashabiki waliojitokeza kushuhudia mazoezi hayo

Mwamba huyo kutoka Ghana hakuacha kuonyesha utaalam wake wa kutembea juu ya mpira, na hakusita kupiga picha na mashabiki waliokuwa wakishangilia kila alichokuwa akifanya

Morrison amejiunga na timu iliyojaa mafundi kwelikweli. Bila shaka atakuwa na nafasi ya kuonyesha makali yake zaidi ya kule alikotoka ambako ni yeye tu aliyekuwa mchezaji tegemeo