Mwenyekiti wa Bodi ya Wakurugenzi klabu ya Simba Bilionea Mohammed Dewji amemkaribisha mshambuliaji mpya wa timu hiyo Bernard Morrison lakini akimtaka azingatie misingi ya nidhamu ambayo klabu ya Simba imejiwekea
Morrison amekuwa rasmi mchezaji wa Simba baada ya kuwagaragaza mabosi wake wa zamani Yanga kwenye shauri la mkataba mpya aliodaiwa kusaini na klabu hiyo ambao aliukana
"Karibu Simba, Bernard Morrison. Tunaamini utakuja kuwa sehemu ya kuendeleza na kukuza misingi tuliyojiwekea ya Nidhamu, Kujituma na Kujali Maslahi ya Klabu kwa ujumla," aliandika Mo kwenye ukurasa wake wa mtandao wa kijamii
Ujio wa Morrison umefanikishwa kutokana na umahiri wa timu ya usajili ya klabu ya Simba ambayo ilichukua hatua ya kumsajili haraka baada ya kubaini mapungufu kwenye mkataba wake na Yanga
