Kwa sasa mashabiki wa Simba wana haki ya kushangilia baada ya kuwa na uhakika na huduma ya winga msumbufu Bernard Morrison ambaye leo Kamati ya Sheria na Hadhi za Wachezaji imemtangaza kuwa mchezaji huru baada ya kushinda kesi yake ya mkataba dhidi ya Yanga
Morrison alisaini mkataba wa kujiunga na Simba August 08 hata hivyo kulikuwa na hofu ya maamuzi ya kesi yake dhidi ya Yanga ambayo imechukua siku mbili
Sasa ni rasmi Morrison atakuwa ndani ya uzi wa klabu ya Simba kuanzia August 29 pale Simba itakapocheza na Namungo Fc kwenye mchezo wa Ngao ya Jamii
Hili ni tatizo lingine kwa timu pinzani msimu ujao kwani, kama Mmakonde Luis Miquissone aliwachachafya vile itakuwaje akikutana na Morrison kwenye timu moja?
Kwa wale wanaodhani Morrison atafanya vituko kama alivyokuwa akiwafanyia Yanga wasahau, kwani mwenyewe anafahamu amejiunga na taasisi imara ambayo inafuata na kuheshimu misingi yake
Ndani ya Simba Morrison atapatiwa mahitaji yake yote, hivyo hatakuwa na sababu ya kufanya migomo na matukio mengine ya utovu wa nidhamu
Tukutane ligi ya mabingwa...!
