Mkuu wa kitengo cha Habari na Mawasiliano klabu ya Simba Haji Manara amesema brand ya Simba ni kubwa kuliko mtu yeyote hivyo kuondoka kwa aliyekuwa Mtendaji Mkuu Senzo Mazingiza lisichukuliwe kama jambo kubwa sana
Akihojiwa na Wasafi FM mapema leo, Manara alisema Senzo alikuwa mtu mmoja kwenye taasisi, ameamua kuondoka, wanamtakia heri lakini katu hawezi kuacha pengo lolote
"Ameondoka yeye lakini timu si inabaki kuendelea na maisha yake kwani ameondoka na timu? Simba ni kubwa kuliko mtu yoyote ameondoka hatumsemi vibaya shughuli zitaendelea hakuna jambo lolote ambalo linatutikisa.
"Simba ipo muda mrefu kabla ya Senzo, hata kama ameondoka bado Simba itazidi kuendelea kuwepo hakuna shabiki ambaye alitikisika hakuna kiongozi ambaye alitikisika eti kwa sababu yeye ameondoka"
"Simba ni kubwa sana, sio yeye tu tutaondoka sisi wote lakini Simba itaendelea kubakia," alisema Manara
