Winga mpya wa Simba Bernard Morrison amewaambia mashabiki wa timu hiyo wampokee na kuahidi kufanya mambo makubwa
Pamoja uamuzi wake wa kuhamia Simba kuwakera mashabiki wa Yanga, Morrison amesema kwake yeye haoni kama ni tatizo kutua Msimbazi kwani yuko kazini
"Yanga ni klabu kubwa, na Simba ni klabu kubwa pia. Najua mashabiki wa Yanga hawajafurahi mimi kuondoka lakini nawaambia wasinichukie kwani mimi nimekuja Tanzania kufanya kazi"
"Nimefurahi kukamiisha usajili wangu na Simba, nawaahidi mashabiki nitatimiza wajibu wangu kwa kushirikiana na wenzangu ili tuwape furaha," alisema Morrison
Jana Morrison alishiriki mchezo wa Tamasha la Nifuate ulioandaliwa na Msanii wa Bongo Fleva Ali Kiba na nahodha wa timu ya Taifa Mbwana Samatta anayekipiga timu ya Aston Villa inayoshiriki ligi kuu ya Uingerza
Morrison aliingia uwanjani akiwa ameongozana na Afisa Habari wa Simba, Haji Manara ambaye kama ilivyo kawaida yake, alipamba uwepo wake hapo uwanjani
