Yanga imetoa tamko kuwa bado inamtambua Mghana Bernard Morrison kuwa mchezaji wao halali akiwa na mkataba wa miaka miwili
Lakini jambo la uhakika ni kwamba klabu ya Simba imejiridhisha kuwa Mghana huyo hana mkataba na Yanga ndio maana wameamua kumsajili
Morrison alisajiliwa na Yanga kwa mkataba wa miezi sita ambao ulimalizika Julai 14 2020 na hakusaini mkataba wa miaka miwili kama wanavyosema Yanga
Ukweli wa jambo hilo unatarajiwa kuwekwa hadharani siku ya Jumatatu, pale kamati ya Sheria na hadhi za Wachezaji itakapotoa hukumu ya kesi iliyofunguliwa na Morrison dhidi ya Yanga
Morrison alipeleka malalamiko TFF akikana kusaini mkataba huo wa Yanga huku akibainisha kuwa saini inayoonekana kwenye mkataba huo sio yake
Pengine jambo hilo huenda likawaingiza matatani zaidi viongozi wa Yanga kama itathibitika walighushi saini ya Mghana huyo
