Achana na tetesi za winga Mghana Bernard Morrison ambaye 'anatrend' kwenye mitandao ya kijamii kuwa anaweza kutambulishwa kuwa mchezaji halali wa mabingwa wa nchi Simba baada ya mkataba wake wa miezi sita kumalizika kunako klabu ya Yanga
Inaelezwa uongozi wa Simba huenda ukamgeukia aliyekuwa nahodha wa Yanga Papy Tshishimbi ambaye nae ni mchezaji huru baada ya mkataba wake kumalizika
Mapema wiki hii Yanga ilitangaza kuachana na Tshishimbi pamoja na nyota wengine 14 kwa kile kilichoelezwa kushindwa kufikia makubaliano ya dau la usajili
Lakini kwenye eneo la kiungo cha ukabaji Simba inae Mbrazil Gerson Fraga ambaye amemaliza msimu akiwa mmoja wa wachezaji bora kabisa wa kikosi cha Simba
Hata hivyo inaelezwa suala la mshahara wa nyota huyo ni changamoto na hivyo Simba wanaangalia uwezekano wa kumsajili Tshishimbi ambaye watampata kwa gharama nafuu zaidi
Tshishimbi ameonyesha utayari wa kujiunga na Simba kama machampioni hao wa nchi watataka huduma yake
Hivi karibuni klabu ya Azam Fc ambayo ilikuwa ikihusishwa nae ilimsajili kiungo Mnyarwanda Ally Niyonzima na hivyo kumfanya mchezaji huyo kuwa na nafasi ya kutua Msimbazi kutegemeana na mapendekezo ya benchi la ufundi
