Uongozi wa klabu ya Namungo FC umethibitisha kuhitaji saini za wachezaji Ibrahim Ajibu na Shiza Kichuya kutoka Simba ili kuongeza nguvu kwenye michuano ya Kombe la Shirikisho Afrika msimu ujao.
Mwenyekiti wa klabu hiyo, Hassan Zidadu amesema majina ya nyota hao ambao wamekosa nafasi kwenye kikosi cha Simba yapo kwenye orodha ya kocha Hitimana Thierry anaowahitaji.
Zidadu amesema ripoti ya mwalimu imefika jana na kesho watakaa kuijadili kabla ya kuanza kusuka kikosi kwa ajili ya msimu ujao
"Ni kweli ripoti ya mwalimu imeainisha kuhitaji saini ya Ajibu na Kichuya pamoja na wachezaji wengine ambao siwezi kuwataja hapa," amesema Zidadu
Tangu dirisha la usajili lilipo funguliwa Namungo imekamilisha usajili wa mchezaji mmoja tu ambaye ni Fred Tangalu kutoka Lipuli Fc
