Juzi baada ya ushindi wa mabao 2-1 dhidi ya Namungo Fc na kuihakikishia Simba kutwaa taji la tatu msimu huu, msemaji wa Simba Haji Manara aliwajia juu Wanahabari waliokuwa wakihoji hatma ya kocha mkuu wa mabingwa hao wa nchi Sven Vandenbroeck ambaye wiki za karibuni tetesi zimekuwa nyingi kuwa Simba inaweza kuachana nae
Manara aliwataka wanahabari kuacha kupika habari ambazo zinaweza kuwavuruga Wanasimba wakati huu ambao wanafaidi mafanikio ya umoja wao
"Acheni kuhoji mambo ambayo hayapo. Yani sisi tumuache kocha wetu kwa sababu ipi. Sisi ndio mabingwa wa nchi hii, chini yake tumechukua mataji yote tuliyoshiriki, halafu mnasema je?," alin'gaka Manara
"Andikeni mambo mengine yota lakini tafadhari, msitugombanishe na kocha wetu, msiandike mambo ambayo hayapo"
Inaelezwa Sven anatarajiwa kuongezewa mkataba mpya, mkataba wake wa awali wa miezi sita ukiwa umemalizika
