Chama akabidhiwa tuzo ya Sportpesa

Mapema leo kiungo mahiri wa Simba Clatous Chotta Chama maarufu Mwamba wa Lusaka, alikabidhiwa tuzo yake ya mchezaji bora wa Sportpesa kwa kikosi cha Simba msimu wa 2019-20

Abbas Tarimba Mkurugenzi wa Utawala SportPesa alimkabidhi Mzambia huyo tuzo na kitita cha Tsh Milioni Moja baada ya kupigiwa kura nyingi na mashabiki

Jana Chama pia alitangazwa kuwa mshindi wa tuzo ya mchezaji bora wa mashindano ya FA huku akiwa nafasi kubwa ya kuibuka kuwa mchezaji bora wa ligi kuu ya Vodacom, VPL

Msimu huu ulikuwa mzuri sana kwa Chama ambaye aliibuka kinara wa kutoa pasi za mabao kwenye ligi, akitoa pasi 10 zilizozaa magoli