Mabingwa wa nchi Simba wamekamilisha msimu vile walivyotaka baada ya kutwaa ubingwa wa kombe la Shirikisho la Azam (ASFC) kwa kuichapa Namungo Fc mabao 2-1 katika mchezo wa fainali uliopigwa uwanja wa Nelson Mandela huko Sumbawanga
Ilikuwa siku nyingine nzuri kwa Mmakonde Luis Miquissone akifunga bao moja na kutengeneza bao la pili lililofungwa na nahodha John Bocco
Miquissone aliitanguliza Simba kwa bao safi kwenye dakika ya 30 akimalizia kwa guu lake la kulia mpira mpira uliokuwa ukizagaa langoni kwa Namungo
Katika dakika ya 38, Miquissone akamsetia Bocco kuweka kambani bao la pili lililowapa Simba uongozi mpaka wakati wa mapumziko
Pamoja na changamoto ya uwanja, Simba iliweza kumudu kucheza kandanda safi kwa nyakati tofauti, ikiwatumia Kapombe na Tshabalala kumwaga maji langoni kwa Namungo Fc
Bao la kufutia machozi kwa upande wa Namungo lilifungwa na Edward Charles Manyama
Simba imeweka kibindoni taji la tatu msimu huu ikiwa pia imetwaa Ngao ya Jamii na Ubingwa wa ligi kuu ya Vodacom kwa msimu wa tatu mfululizo
Hii ndio maana halisi ya kuwa mabingwa wa nchi
Hongera Wekundu wa Msimbazi, Hongera Machampioni wa Taifa...!
