Ni fainali ya kibabe Simba vs Namungo Fc

Mikiki mikiki ya michuano ya kombe la FA (ASFC) inafika tamati leo kwa mabingwa wa nchi Simba kumenyana na Namungo Fc katika mchezo utakaopigwa uwanja wa Nelson Mandela, Sumbawanga

Wakiwa wameshasherehekea ubingwa wa ligi kuu, hii ni nafasi kwa Simba kujiongezea taji la tatu msimu huu

Kudhihirisha kwamba Simba inauchukulia mchezo huo kwa uzito mkubwa, kocha mkuu Sven Vandenbroeck amesema atatumia kikosi chake cha kwanza

Nae Meneja wa mabingwa hao wa nchi Patrick Rweyemamu amesema vijana wote wako tayari kuwapa furaha mashabiki katika mchezo huo utakaopigwa kuanzia saa tisa Alasiri

Kila la kheri Simba, kila la kheri mabingwa wa nchi..