Nyoni atimiza ndoto ya ulimwengu Sumbawanga

Bwana mdogo Jumanne Ulimwengu hakuamini macho yake leo pale alipokabidhiwa baiskeli mpya na beki mkongwe Erasto Nyoni

Jana Nyoni alimpa dogo huyo jezi mpya baada kumuona akiwa amevaa nguo aliyoiandika jina lake mgongoni

Wakati akikabidhiwa jezi hiyo, Ulimwengu alimuomba Nyoni amnunulie baiskeli ambayo itamsaidia na safari za shuleni

Nyoni ametimiza ahadi hiyo mapema leo huko Sumbawanga

Heshima kwake Erasto Nyoni, jambo hili ni kubwa sana, kwa hakika litabaki kwenye kumbukumbu za kijana Ulimwengu kwa miaka mingi

Lakini pia hivi ndivyo mastaa wanapaswa kuishi, wao ni sehemu ya jamii, wanapofanya matukio kama haya Wanabarikiwa zaidi