Habari za chinichini ni kuwa mabosi wa Simba wanaangalia uwezekano wa kumrejesha mshambuliaji wao Mganda Emmanuel Okwi ambaye kwa sasa anacheza kule Misri klabu ya Ittihad
Katika jitihada za kuboresha kikosi kuelekea michuano ya ligi ya mabingwa, Okwi anaangaliwa kama mchezaji anayeweza kuwa na mchango mkubwa kwenye michuano hiyo
Mwaka juzi akishirikiana wenzake Meddie Kagere na nahodha John Bocco, walifanya mambo makubwa wakiipeleka Simba hatua ya robo fainali ya michuano hiyo
Kama Mganda huyo bado yuko kwenye ubora wake, akirejeshwa atazidi kuing'arisha safu ya ushambuliaji ya Simba ambayo mwanzoni mwa mwaka huu imemuongeza Mmakonde hatari Luis Miquissone
Uzuri wa Okwi ni mchezaji mwenye mapenzi makubwa na Simba, ingawa wakati mwingine hulazimika kufanya maamuzi kwa kufuata maslahi
Kwa Simba haijalishi Okwi ameondoka na kurudi mara ngapi, kwani mchezaji huyo ametimiza wajibu wake ipasavyo mara zote anapokuwa Simba
Ni mchezaji ambaye hupata mafanikio zaidi anapokuwa Simba na mambo humuendea mrama kila anapokuwa nje ya Simba
