Benchi la Ufundi na Bodi ya Wakurugenzi wa Simba kwa pamoja wamekubaliana kumbakisha kiungo mkabaji raia wa Brazil, Gerson Fraga
Kiungo huyo ni kati ya wachezaji waliokuwa wakihusishwa kuachwa Simba katika kuelekea msimu ujao akiwemo na Mbrazili mwenzake, Tairone Santos ambao walijiunga pamoja mwanzoni mwa msimu huu.
Taarifa zinaeleza kuwa Fraga hataachwa na badala yake ataongezewa mkataba kuendekea kukipiga na mabingwa hao wa nchi.
Fraga ni mmoja wa wachezaji wa Simba ambao viwango vyao vimeimarika sana hasa baada ya mapumziko ya Corona
Nahodha huyo wa zamani wa timu ya Taifa ya Vijana ya Brazil, sasa anaaminiwa na kocha Sven Vandenbrock anayemtumia mara kwa mara kwenye kikosi chake cha kwanza
Fraga alifunga moja ya mabao ya Simba katika mchezo dhidi ya Yanga ambao mabingwa hao wa nchi waliondoka na ushindi wa mabao 4-1
