Kocha Mkuu wa Simba Sven vandenbroeck amesema maandalizi ya kikosi chake kuelekea mchezo wa fainali kombe la FA (ASFC) dhidi ya Namungo Fc yanaendelea vizuri, vijana wake wakiwa na matumaini makubwa ya kufanya vizuri kwenye mchezo huo
Sven amesema amewaandaa vijana wake kucheza soka la ushindani kwenye uwanja wa kawaida na muhimu zaidi ni kuhakikisha wanashinda taji la pili msimu huu
"Maandalizi ni mazuri kila mmoja yupo sawa. Jambo muhimu ni kujiandaa kiakili kucheza kwenye uwanja wa kawaida na kuwa tayari kushinda mataji mawili kwenye msimu huu," amesema Sven kwenye maandalizi ya timu hiyo mkoani Mbeya
Simba imeweka kambi ya siku tatu mkoani Mbeya kufanya maandalizi ya mwisho kabla ya kuelekea Sumbawanga, ambako mchezo huo utapigwa hapo Jumapili
