Hali ya uwanja wa Nelson Mandela, Sumbawanga

Mwishoni wa wiki hii siku ya Jumapili, utapigwa mtanange wa fainali ya michuano ya kombe la FA (ASFC) kati ya mabingwa wa nchi Simba dhidi ya Namungo Fc katika mchezo ambao utapigwa uwanja wa Nelson Mandela, mkoani Rukwa, Sumbawanga

Kwa muda mrefu, mkoa wa Rukwa haukushuhudia mechi hizi kubwa kwa kuwa hawana timu inayoshiriki ligi kuu wala ligi daraja la kwanza

Hivyo TFF kuwapelekea mtanange huu ni jambo lililowafurahisha wakazi wa mkoa huo na maeneo ya jirani

Lakini pia TFF walilazimika kuufanyia ukarabati mkubwa uwanja wa Nelson Mandela ili uweze kuwa na hadhi ya kutumika katika mchezo huo

Kwa kiasi kikubwa maandalizi ya uwanja yamekamilika, tayari kwa mchezo huo ambao unasubiriwa kwa hamu mkoani Rukwa