Kiungo wa Simba Mkata Umeme raia wa Brazil Gerson Fraga amesema amefurahi kuwa sehemu ya kikosi cha timu hiyo kilichotwaa ubingwa msimu huu na kuwapa furaha mashabiki wao
Fraga aliyefanikiwa kukonga nyoyo za mashabiki katika mechi za lala salama, amesema kwake yeye kucheza Simba na kufanikiwa kushinda ubingwa katika msimu wake wa kwanza ni jambo kubwa la heshima
"Tunafurahi kama timu tumeweza kutimiza malengo yetu kwa kushinda ubingwa na kuwapa furaha mashabiki wetu. Unajua kila timu iliyocheza na Simba inaingia uwanja kwa kukamia, halikuwa jambo rahisi," amesema Fraga
"Kwangu binafsi hili ni jambo kubwa, nawashakuru wachezaji wenzangu ambao wameendelea kunipa ushirikiano bila ya kuwasahau mashabiki ambao kwa hakika ndio kila kitu kwangu kwani bila wao pengine tusingeweza kupata mafanikio haya"
Kwa kiwango alichoonyesha hasa baada ya mapumziko ya corona, Fraga amejiweka katika nafasi nzuri ya kuongezewa mkataba na kuiondolea Simba presha ya kusajili kiungo mwingine wa ukabaji
