Uongozi wa klabu ya Simba umesema hatma ya kwenda kuweka kambi nje ya nchi itategemea na mwenendo wa ugonjwa wa corona ambao bado unazisumbua nchi mbalimbali duniani
Imekuwa kawaida kwa Simba kwenda kuweka kambi nje ya nchi kujiandaa na msimu mpya lakini mambo yanaweza kuwa tofauti kuelekea msimu ujao
Mtendaji Mkuu wa Simba Senzo Mazingisa amesema wataangalia ni mahali gani patafaa kuweka kambi iwe ni ndani au nje ya nchi kutokana na uwepo wa changamoto ya corona
"Kama tutapata nchi ambayo haitakuwa na shida ya corona na mazingira ya maandalizi ya msimu yakawa yanaridhisha, tutakwenda huko iwe Afrika au Ulaya, lakini kama itashindikana kabisa hilo, basi tutakuwa hatuna jinsi tutatafuta mkoa wenye mazingira sahihi hapa nyumbani na ndio tutakwenda huko," amesema Mazingisa
Msimu uliopita Simba iliweka kambi Afrika Kusini wakati mwaka juzi waliweka kambi nchini Uturuki
