Kikosi cha Mabingwa wa soka Tanzania Bara Simba jioni ya leo kinashuka kwenye uwanja wa Taifa kuikabili Alliance Fc katika mchezo wa ligi kuu ya Vodacom
Mchezo huu utakuwa wa mwisho kwa Simba kucheza katika uwanja wake wa nyumbani msimu huu, hivyo utatumika kama mchezo wa kufunga msimu
Ndio maana uongozi wa klabu ya Simba umetoa fursa kwa mashabiki wake kusherehekea ubingwa wao leo pale uwanja wa Taifa
Taji la ubingwa wa ligi ku litakuwa uwanjani kuanzia mapema mchana ambapo mashabiki watakaojitokeza uwanjani watapata fursa ya kupiga picha na kombe pamoja na wachezaji wa Simba
Mchezo unatarajiwa kupigwa saa kumi jioni na benchi la ufundi limeahidi kuwa kikosi kitakachoshuka dimbani leo ni kile kikosi cha kwanza ambacho kiliwapa dozi nene watani Yanga kwa kuwafunga mabao 4-1 wiki iliyopita
