Pamoja na kuwa tayari wametwaa ubingwa wa ligi kuu ya Vodacom kwa msimu wa tatu mfululizo, mabingwa wa nchi Simba wamepania kushinda mechi zote zilizobaki kwenye ligi pamoja na mchezo wa fainali kombe la FA dhidi ya Namungo Fc ambao utapigwa August 02
Simba imebakisha michezo minne ya ligi ambayo ni dhidi ya Mbao Fc na Alliance ambayo itapigwa jijini Dar es salaam na michezo dhidi ya coastal Union (Tanga) na Polisi Tanzania (Moshi) na ule wa FA dhidi ya Namungo ukipigwa Rukwa
Nahodha wa wababe hao wa soka nchini John Bocco amesema hawatakuwa na huruma kwa timu yoyote itakayokuja mbele yao na lengo lao ni kushinda mechi zote
Akizungumza baada ya mazoezi mapema leo, Bocco amesema wameshamaliza shangwe la ushindi dhidi ya Yanga na sasa wanaelekeza nguvu zao kwenye mechi zilizobaki
"Baada ya mchezo wa Yanga tumerejea mazoezini kuweka miili sawa kuelekea mchezo wetu dhidi ya Mbao Fc ambao utapigwa Alhamisi (kesho). Tunawaheshimu wapinzani wetu lakini wajipange kwani tumepania kushinda kila mchezo unaokuja mbele ili tuvune alama nyingi," alisema Bocco
Wachezaji wote walishiriki mazoezi ya lei asubuhi, ambapo nyota walioiangamiza Yanga juzi walifanya program tofauti ya mazoezi huku wale waliokosa nafasi kwenye mchezo huo wakifanya mazoezi tofauti
