Jezi mpya Simba kutambulishwa Rukwa

Mkuu wa Kitengo cha Habari na Mawasiliano klabu ya Simba Haji Manara amewataka mashabiki wa timu hiyo wakae mkao wa kula tayari kupokea jezi mpya za mabingwa hao wa nchi kwa ajili ya msimu wa 2020-21

Manara amesema uzinduzi wa jezi hizo utafanyika kwenye mchezo wa fainali michuano ya kombe la FA dhidi ya Namungo Fc ambao utapigwa August 02 kwenye uwanja wa Nelson Mandela, huko Sumbawanga mkoani Rukwa

Manara ameyazungumza hayo mapema leo katika mahojiano na kituo cha redio Wasafi FM, msemaji huyo wa mabingwa wa nchi akipata nafasi ya kuweka wazi mikakati ya kushinda taji la FA ili kukamilisha 'dabo' msimu huu