Mtendaji Mkuu wa Simba Senzo Mazingisa amefichua ni kwa kiasi gani alikuwa anaumizwa na kitendo cha kutowafunga Yanga katika michezo miwili iliyopita
Akizungumza baada ya ushindi wa mabao 4-1 ambao Simba ilipata dhidi ya Yanga jana, Mazingisa alisema, hakuwa na amani timu yake kutoifunga Yanga michezo miwili iliyopita
"Wakati najiunga na Simba nilipokewa kwa shamrashamra na furaha, Wanamsimbazi walinikubali"
"Lakini nilikuwa nikijiuliza kwa nini linapokuja suala la mchezo dhidi ya Yanga ilikuwa ngumu kupata ushindi? Niliamini kulikuwa na kitu kinakosekana mpaka tukapoteza mchezo wa ligi dhidi yao.
"Matokeo haya niliyasubiri kwa hamu na hakika ni matokeo bora kwangu na kwa timu yote," alisema Senzo
Tangu awe CEO wa Simba, huo ni ushindi wake wa kwanza dhidi ya Yanga, lakini huwezi kumuweka Senzo kando unapozungumzia mafanikio ya klabu ya Simba msimu huu
Amekuwa kiongozi wa mfano, ameongeza weledi katika utendaji kazi Simba na ameweka mkazo mkubwa suala la nidhamu kwa wachezaji na wafanyakazi wa Simba
