Leo Rahaaaaaa..! Wamepasuka vibaya sana, ni kipigo cha mabao 4-1 Yanga imechezea kutoka kwa mabingwa wa nchi Simba katika mchezo ambao wamedhihirisha kuwa hakuna kama wao
Ulikuwa mchezo kati ya Wanaume wa Simba na Wavulana wa Yanga kwani, kwa soka lililopigwa uwanja wa taifa leo, halikuwa la kiwango chao
Dakika ya 21 tu kiungo mwenye roho ya paka, Gerson Fraga alifungua mlango wa mabao Yanga kwa kuweka kambani bao maridhawa akipokea pasi ya Mwamba wa Lusaka, Clatous Chotta Chama
Simba ikaenda mapumziko ikiwa mbele kwa bao 1-0
Waliporejea kipindi cha pili ndipo mauaji yalifanyika, Chama, Miquissone na Mzamiru wakiongeza mabao mengine matatu
Hawa Yanga kipigo chao kiliandaliwa mapema sana, leo ilikuwa siku ya kuwakabidhi zawadi yao
Nadhani ni sahihi kwa sasa kusema kwa hapa Tanzania, Simba hawana mshindani kwani soka la wanalocheza hakika sio la nchi hii
Kipigo cha leo kimewabakisha rasmi Yanga nyumbani kushiriki michuano ya Kimataifa msimu ujao, hawatapanda ndege
Badala yao ni Namungo Fc ambao wamejihakikishia kushiriki michuano ya CAF bila ya kujali matokeo ya mchezo wa fainali
Hongera Simba, Hongera mabingwa wa nchi hii...!
