Mabingwa wa nchi Simba jioni ya leo wana jambo lao pale uwanja wa Taifa watakapowakabili watani zao Yanga katika mchezo utakaopigwa saa 11 jioni
Mechi hii ni ya kisasi kwa Simba, baada ya kupoteza mchezo wa ligi March 08, hii ni nafasi muhimu kwa Simba kulipa kisasi pamoja na kuzima ndoto za Yanga kupata nafasi ya kushiriki michuano ya Kimataifa msimu ujao
Kocha Mkuu Sven Vandenbroeck anafahamu amekutana na Yanga mara mbili na hakupata ushindi. Hivyo matokeo tofauti na ushindi katika mchezo wa leo yanaweza kuweka kibarua chake matatani
Huu ni mchezo ambao Wanamsimbazi wanahitaji kufurahi, wakiwa mabingwa wa nchi, itakuwa aibu kufungwa mara mbili na Yanga ambao kila mmoja anaifahamu hali yao
Hakuna shaka, mashabiki wa Simba watakuwa wengi pale uwanja wa Taifa kuiunga mkono timu yao, kazi itakuwa moja kwa wachezaji kukamilisha kile kinachosubiriwa na kila mmoja
Ni saa 11 jioni pale uwanja wa Taifa, leo lazima wapasuke...!
