Baada ya kukabidhiwa kikombe cha ubingwa wa Ligi Kuu Tanzania Bara msimu wa 2019/20, Kocha Mkuu wa Simba, Sven Vandenbroeck, amesema leo ndio anaanza kupanga mikakati ya ushindi kuelekea mchezo wao wa nusu fainali ya mashindano ya Kombe la FA dhidi ya Yanga utakaochezwa Jumapili
Simba ilitua jana kutoka kanda ya Kusini ambako ilicheza mechi mbili za Ligi Kuu dhidi ya Ndanda Fc na Namungo pamoja na kukabidhiwa ubingwa wa ligi kuu
Sven hakutaka timu yake ivurugwe na shamrashamra za ubingwa hivyo aligomea tukio hilo lililokuwa limeandaliwa jijini Dar es salaam na kuagiza timu yake ielekee kambini moja kwa moja baada ya kuwasili Dar
Mbelgiji huyo aliwapa wachezaji wake mapumziko walipowasili na jioni wakaanza maandalizi ya mwisho kuelekea mchezo huo
Simba itaingia katika mchezo huo ikiwa haina presha yoyote baada ya kuwa imemaliza kazi upande wa ligi kuu
Lakini ni mchezo ambao kila mchezaji anafahamu umuhimu wa ushindi, ubingwa hauwezi 'kunoga' kama hakutakuwa na ushindi dhidi ya Yanga
Taarifa a ndani ya uongozi zimebainisha kuwa Mwenyekiti wa Bodi ya Wakurugenzi Bilionea Mohammed Dewji 'Mo' ameweka mezani 'kitita cha maana' kwa ajili ya ushindi katika mchezo huo
