Kulingana na ratiba iliyokuwa imetolewa na uongozi wa Simba jana, baada ya kuwasili jijini Dar es salaam mabingwa hao wa nchi ambao walikabidhiwa 'mwali' wao kule Ruangwa, walitarajiwa kuongoza shamrashamra za ubingwa kwa kupanda gari maalum la wazi
Hata hivyo kocha Mkuu Sven Vandenbroeck, aligomea mpango huo akitaka wachezaji wake waelekee kambini moja kwa moja kupumzika kisha kuanza maandalizi ya mchezo dhidi ya Yanga ambao utapigwa Jumapili
Sven alisema pamoja na kuwa wametwaa ubingwa wa ligi kuu, bado hawajamaliza kazi hivyo kuanza kusheherekea sasa kunaweza kuwaondoa kwenye malengo yao
Mbelgiji huyo alifanikiwa kuwashawishi viongozi wa Simba ambao waliachana na mpango huo na badala yake kuwaruhusu wachezaji wapande katika moja ya mabasi madogo yaliyokuwepo JNIA kwa ajili ya mapokezi kisha kuelekea kambini
Baada ya kukosa ushindi dhidi ya Yanga katika michezo miwili iliyopita, Sven amepania kumaliza mchezo wa Jumapili mapema tu
