Kocha Mkuu wa Simba Sven Vandenbroeck amesema maandalizi ya mchezo dhidi ya Yanga yataanza baada ya kikosi cha Simba kurejea jijini Dar es salaam
Akizungumza baada ya kikosi chake kukabidhiwa ubingwa wa ligi kuu kwa msimu wa tatu mfululizo, Sven amesema wamefurahi kuhitimisha safari ngumu ya kuwania ubingwa
"Leo ilikuwa siku ya furaha kwa kila mmoja, tulishinda ubingwa siku 10 zilizopita lakini leo imekuwa siku muhimu kwetu kukabidhiwa kombe. Kuhusu mipango ya mchezo wa kombe la FA dhidi ya Yanga, nafikiri tutaianza tukirejea jijini Dar es salaam, kwa sasa hatujawa na mpango wowote," Sven aliiambia Azam TV
Afisa Habari wa Simba Haji Manara amesema kikosi kitarejea jijini Dar es salaam mapema kesho Alhamisi, ambapo mashabiki watapata nafasi ya kuwapokea mabingwa hao Makao Makuu ya klabu ya Simba, Msimbazi Kariakoo
Baada ya kurejea Dar, Simba itaingia moja kwa moja kambini kujiandaa na mchezo dhidi ya Yanga ambao utapigwa Jumapili
